Ecoembes e FUNPROMAR veñen de asinar un convenio de colaboración para facer avanzar a economía circular ligada ao sector da conserva de peixes e marisco. Farano a través de iniciativas de sensibilización que poñan de manifesto as vantaxes (para o medio ambiente e, tamén, para as propias industrias, xa que aforran unha cantidade importante de custes) da sustentabilidade nos procesos de produción, un ámbito no que, por outra banda, é moi destacábel o labor que levan anos xerando moitas das nosas empresas conserveiras.
O convenio formalizado por FUNPROMAR (Fundación Clúster de Conservación de Produtos do Mar) e Ecoembes inclúe, entre outras cousas, accións relacionadas con material didáctico para as visitas do Museo ANFACO e adaptadas ás novas xeracións, elaboración de xornadas, aproximar os envases e a súa reciclaxe á sociedade de forma creativa, ou promover o valor engadido dos mesmos grazas ao deseño, entre outros.