A actual situación de pandemia que alongamos desde principio e ano e o peche de establecementos e empresas, levou ó paro a moitas familias que ante a escaseza de recursos tiveron que acudir ás distintas organizacións de voluntarios e ONGs. O incremento das necesidades fixo que Cáritas e os Banco de Alimentos, ante o esforzo acumulado no confinamento e as necesidades que se provocaron quedaran sen apenas recursos.
Por iso “Cáritas Ribeira” fai un chamamento á cidadanía para que desde este luns 30 de novembro e ata o 20 de decembro colaboren na campaña de recollida de alimentos nos supermercados, podendo deixar produto nos carros habilitados a tal efecto. Actualmente a ONG católica está a dar axuda a 145 familias do concello.
