As últimas cifras do coronavirus en Galicia non son boas. Todo apunta a que se pode aproximar un empeoramento. De feito, hoxe sobe a incidencia acumulada a sete días por vez primeira en novembro; a pesar de que os 442 novos positivos notificados hoxe son menos que os 489 do domingo.
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.110 deles 1.840 son da área da Coruña, 1.042 da de Lugo, 812 da de Ourense, 1.233 da de Pontevedra, 2.361 da área de Vigo, 1.036 da de Santiago, e 786 da de Ferrol.
Do total de pacientes positivos, 110 están en UCI, 500 en unidades de hospitalización e 8.500 no domicilio. Polo de agora, en Galicia hai un total de 35.628 persoas curadas, rexistrándose 1.069 falecementos.
O número de PCR realizadas é de 805.044.
Na comarca hai 1.036 pacientes con infección activa, 45 hospitalizados e 16 en UCIs. O número de falecidos elevase a 158 na área sanitaria Santiago- Barbanza.
Nos concellos da comarca Boiro sube o nivel 3 xunto a Ribeira, No nivel dous está O Son, Noia no nivel 2 e os demáis concellos no nivel 0.
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.
Uso do 061 para casos graves e emerxencias e o 900 400 116 para dúbidas
Rexistro de viaxeiros no 881 00 20 21 e obrigatoriedade do uso da máscara