O Concello de Boiro celebra este mércores o Día Internacional para a Eliminación da Violencia contra a Muller (o 25-N) coa lectura dun manifesto institucional telemático e coa participación nos actos organizados polo IES Espiñeira.
A concelleira de Política Social, Marisa Collazo, fixo a lectura online da dita declaración en contra da dita lacra social, unha declaración que se pode visualizar xa na páxina de Facebook do Concello de Boiro.
O Concello lembra que “tendo en conta a crise sanitaria e as cifras de contaxios no municipio, decidiuse non facer unha convocatoria para a lectura do mesmo e evitar así aglomeracións.
Amais, o tenente de Alcalde, Luís Ruiz, participou nos actos conmemorativos organizados polo IES Espiñeira. O alumnado do centro recibiu esta mañá unha charla que leva por título Violencia machista na relación de parella na mocidade e, xunto co profesorado, membros da ANPA, representantes da asociación Mirabal, o CIM de Boiro e o tenente de Alcalde, realizaron un acto en homenaxe ás 41 vítimas de violencia machista neste 2020, colocando os seus nomes nunha bolboreta de cor lila.
