Barbantia elixe os gañadores dos Premios da Cultura 2020

Un ano máis, a Asociación Cultural Barbantia vai realizar a súa gran festa anual, na que presentá o décimo sexto volume “Anuario de Estudos do Barbanza 2020” e entregará os XIV Premios Barbantia da Cultura 2020.
Os galardoados co sereo de Barbantia sairán dunha listaxe na que aparecen os artistas, escritores, axentes culturais e iniciativas nominados anteriormente polos socios e socias. Así mesmo, convidan a que lles faga chegar nomes doutros referentes da cultura da comarca, para incluílos como candidatos na edición do ano 2021.
Para participares na votación, os socios deben escoller un só nome por categoría antes do 6 de decembro.
Unha vez recollidas e escrutadas as papeletas o acto de entrega será o sábado 19 de decembro, ás 12.30 h no Centro Sociocultural-Auditorio do Concello de Rianxo.

Dentro das actividades programadas por Barbantia o venres, 27 de novembro o Coliseo Noela do Concello de Noia acollerá a presentación do volume “Noia e Muros. Paisaxes urbanas de séculos. Da destrución á ordenación, protección e rehabilitación da paisaxe construída (1950-2020)”, de Pedro García Vidal, ás 20.30 h.