Esta penúltima finde de novembro (os días 20, 21 e 22), o programa + que tapas volve a Rianxo da man da Mancomunidade de Municipios Barbanza Arousa, logo das experiencias da sexta edición do programa na Pobra, Ribeira e Boiro. Unha vez máis, será un convite gastronómico-tecnolóxico para que a cidadanía aposte pola hostalería local e se implique na valoración das súas propostas culinarias.
Quen participe terá que puntuar a calidade das tapas dos establecementos adheridos á iniciativa, durante a fin de semana, e facelo, a través dos móbiles, mediante un código QR.
Ademais de escoller a tapa gañadora, a veciñanza participante accederá ao sorteo dun lote de produtos por cada concello implicado no programa + que tapas, que consistirá en dúas caixas de cervexas variadas (48 unidades) e dúas botellas de viño de DO Terra de Barbanza e Iria.
Os horarios para a etapa de Rianxo son os seguintes:
· Venres 20
De 19:00h. a 20:00h: Apertura no restaurante A Lareira coa actuación de Quico Cadaval.
De 20:00h a 23:00h: Comezo do Tapeo.
· Sábado 21
Tapeo das 13:00 h. ás 15:00 h. e de 20:00 h a 23:00 h.
· Domingo 22
Tapeo de 13:00 h ás 15:00 h.
Esta é a listaxe de locais participantes.
1. MEMPHIS. Praza de Rafael Dieste, 7
2. O VILAR. Rúa de Abaixo, 38
3. CASTELAO. Paseo de Manuel Antonio, 7
4. GALLECIA. Praza Castelao, 5-7
5. TOFFE. Praza Virxe de Guadalupe, 1
6. SARAIBA. Rúa Arcos Moldes, 6 baixo
7. O COSTILLAR. Rúa Os Gudiños, 8
8. O FURANCHO. Rúa do Adro, 2
9. A LAREIRA. Aldea Pazo, 28
