A novena carreira Sin-Son vén con formato online e solidario

24 Novembro 2020

A nova edición (a novena) da histórica carreira Sin-Son 10K que organiza cada ano o Concello de Porto do Son a través da súa área de Deportes vén, como non podía ser doutro xeito tendo en conta a pandemia e as súa consecuencias, con importantes novidades. Segundo fixeron saber o concelleiro de Deportes, Juan Pouso, e o concelleiro de Dinamización Turística, Manel Deán, malia os inevitábeis condicionantes de base (por exemplo a necesidade de manter a distancia social e a imposibilidade de xuntar 2.000 deportistas sobre o terreo), a carreira segue adiante de maneira virtual e cunha marcada vertente solidaria (o recadado irá dar a asociacións e entidades locais de apoio social).

A cota é de 5 euros e a inscrición pode facerse na web Emesports e a aplicación Rockthesport, que se pode descargar de balde nos móbiles de cada quen. Compartiranse nas redes sociais as fotos das e dos participantes, que se implicarán na proba deportiva a través da devandita ferramenta móbil e mediante cinco modalidades diferentes: a carreira virtual de 10 quilómetros, a carreira virtual de 5 quilómetros, a carreira virtual 3K e a carreira virtual 1k, ao que suma a opción de dorsal 0, que permite facer doazóns sen participar na proba.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...