A demanda de bolsas para deportistas de Boiro aumentou ata as 68 persoas

23 Novembro 2020

O Concello de Boiro convocou, como cada ano, un plan de axudas para os deportistas federados do municipio. Un total de 68 persoas anotáronse para optar a esta oferta que estivo dispoñíbel ata o pasado venres.

O Concello de Boiro dispón dun total de 5.000 euros para repartir en 40 bolsas de diferente valor. Así, os candidatos poderán optar a 5 bolsas de 300 euros, 10 bolsas de 200 euros e 15 bolsas de 100 euros. O principal obxectivo desta iniciativa, promovido polo servizo de deportes, é o de difundir e impulsar a actividade deportiva, así como recompensar o esforzo e a entrega que supón a práctica de deporte de alto rendemento.

Esta convocatoria superou as presentacións en máis do dobre caos anos anteriores, dado que se incrementou a franxa de idade para solicitar as axudas. A idade mínima estableceuse nos 9 anos e a máxima nos 23 anos.

Un réxime de concorrencia competitiva, previa proposta dunha comisión avaliador, será quen decida a concesión das bolsas. A resolución da convocatoria poderá consultarse na páxina web do Concello de Boiro (www.boiro.gal) ou a través dos taboleiros de anuncios da Casa da Cultura de Boiro e Casa do Concello.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...