A Biblioteca Municipal Victoriano García Martí ficará pechada por prevención sanitaria por “un tempo indefinido”, explicou o Concello, engadindo que malia que “ningún traballador ou traballadora municipal deu positivo na proba para a COVID-19, si houbo contacto directo con outra persoa (non residente na Pobra) que posteriormente resultou afectada pola enfermidade”.
Deste xeito, agardando o resultado da proba deste traballador que se espera coñecer este mércores, procédese a pechar temporalmente o servizo. No caso de que o resultado sexa negativo, reabrirase a biblioteca de xeito inmediato. Se o resultado for desfavorábel, o Concello seguirá o protocolo indicado dende o departamento de Medicina Preventiva do Servizo Galego de Saúde.
Trátase dunha medida enmarcada dentro do Protocolo de Medidas de Prevención fronte á COVID-19 do Concello.
