Xoán Curiel fai unha parada en Rianxo o día 22

O músico galego Xoán Curiel, sen dúbida un dos preferidos da nosa rapazada, vai estar os vindeiros días en Rianxo para interpretar algúns dos seus temas recentes de meirande sona, moitos deles incluídos no que se considera a primeira novela-CD da literatura galega, Estamos no verán!!!, que nos conta a historia duns amigos que no verán queren formar un grupo de música.

Segundo informan o Concello e a Biblioteca, trátase dun espectáculo absolutamente participativo, onde se mesturan a música (cunha gran variedade de estilos como o funk, o rock, o pop, o reggae ou a bossa nova) con elementos teatrais ou de clown. A cita, enmarcada no programa Xoves na Biblioteca, será o vindeiro 22 de outubro as 18.00 h no Auditorio de Rianxo. As prazas para acudir son de balde pero deben reservarse a través da conta biblioteca@concelloderianxo.gal (preferente) ou no teléfono 667 185 581, do 15 ao 22 de outubro de 11.00 h a 20.00 h.