Volven as celebracións das Letras Galegas da man da Asociación Barbantia e o Concello de Boiro

26 Outubro 2020

Esta finde celebramos novamente as Letras Galegas en Boiro, da man de Barbantia, o Concello e Galaxia. Para comezar, o venres 30 de outubro a Estación Leñaverde do Centro Social de Boiro vai acoller ás 20.30 horas da presentación do a obra gañadora do Premio Torrente Ballester 2019, O paraíso dos inocentes, unha novela do escritor boirense de adopción Antón Riveiro Coello (Xinzo de Limia 1964).

O acto do 30, organizado pola Editorial Galaxia e o Concello de Boiro, complementarase coa presentación do número 158 do suplemento cultural A Voz de Barbantia. Intervirán, amais do autor de O paraíso dos inocentes, María Xesús Blanco, vicepresidenta de Barbantia, Xesús Laíño, vogal de Barbantia, Xurxo Couto, deputado de Cultura, e José Ramón Romero, alcalde de Boiro. Está prevista tamén unha actuación das e dos integrantes da Escola de Ballet local: Cen Pliés. A organización lembra que por mor da redución de aforo polas medidas preventivas pola COVID-19 será imprescindíbel formalizar a inscrición en reservacultura@boiro.gal.

As celebracións culturais proseguen en Boiro ao día seguinte, o 31 de outubro, na Casa da Cultura Ramón Martínez López, onde se vai desenvolver (da man de Barbantia e o Concello) un completo programa de actividades para conmemorar o Día das Letras Galegas 2020, que este ano rendeu homenaxe a Ricardo Carvalho Calero. Están previstos os seguintes actos:

· 17:00 h. Presentación literaria: Ricardo Carvalho Calero. A pegada do compromiso, de Héctor Cajaraville

· 17:45 h. Presentación literaria do libro Foula e ronsel. Os anos que marcaron a biografía de Carvalho Calero (1911-1941), de Aurora Marco.

(inscricións para as presentacións en pastor@barbantia.es)

· 18:30 h. Descanso

· 19:00 h. Actuación infantil con Os Monifates

· 19:45 h. Actuación Xilbarbeira

(inscricións nas actividades infantís e musicais en reservacultura@boiro.gal).

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...