Os positivos por COVID-19 detectados en Galicia subiron ata os 687 en 24 horas, o que supón o récord de toda a pandemia, xa que o anterior máximo estaba fixado en 516 o 29 de marzo. As persoas que aínda padecen a enfermidade, superaron os 6.000.
A área sanitaria de Santiago-Barbanza anotou un descenso neste último parte, ata os 118 positivos diarios por PCR (-13). Esto sitúa a Santiago, Vigo, Ourense e A Coruña por encima do milleiro de casos activos.
Hai 66 hospitalizados (65 no CHUS e 1 na Rosaleda), 8 en coidados intensivos, todos no CHUS. Falece un home no CHUS de 87 anos, tiña patoloxías previas. Na área sanitaria a cifra de casos activos de coronavirus sitúase este sábado con 1.047 pacientes (+64).
Segundo informa Sanidade ata o momento faleceron en Galicia 860 persoas diagnosticadas de COVID-19. Deste xeito, a cifra de casos activos de coronavirus sitúase este sábado en 6.170, o que supón 290 menos que un día atrás.
