Un condutor sae polos seus propios medios do seu vehículo, malia caer ao mar en Boiro. A baixamar permitiu que o coche quedase semi somerxido e o condutor puido saír sen axuda. Igualmente, necesitou asistencia médica por algunha ferida leve e malestar nun costado.
Deste xeito, despois de recibir o aviso no 112 Galicia ás 14:30 horas, solicitouse a intervención de Urxencias Sanitarias de Galicia-061, que trasladaron ao ferido ao Hospital do Barbanza. Tamén foron informados os Bombeiros de Boiro, que descartaron intervir en canto se confirmou que a persoa estaba fóra do coche, e os efectivos do Servizo Local de Protección Civil. Ademais, contaron coa colaboración dos axentes da Garda Civil.