Ribeira celebra o Día das Letras Galegas con teatro, contacontos e un espectáculo online dirixido aos colexios

28 Outubro 2020

O Concello de Ribeira vén de preparar un programa de actividades para conmemorar o Día das Letras Galegas, dedicada este ano a Ricardo Carvalho Calero e retrasado na súa efeméride ao 31 de outubro por mor do
confinamento.
Así, dende a Concellería de Educación e do Servizo Municipal de Normalización Lingüística organizáronse para a fin de semana unha
serie de accións consistentes nunha función teatral con Teatro Ghazafelhos, nunha sesión contacontos con Charo Pita e máis un espectáculo online con Charo Pita especialmente destinados aos nenos e nenas en idade escolar:

1.- Auditorio Municipal:

“As pitas baixo a chuvia” de Teatro Ghazafelhos, baseada nos textos de Carvalho Calero.
Data: 30/10/2020, venres Hora: 19.00 Lugar: Auditorio Municipal de Ribeira
Duración: 45 minutos

É IMPRESCINDIBLE A RESERVA DE BUTACA. Para facer a reserva envíe, por favor, un correo cos seus datos (nome e apelidos, teléfono de contacto e número de nenos e adultos conviventes que van asistir) e recibirá a contestación cos seus números de butacas.
SINOPSE Ludivina e Tereija son dúas pitas que viven no curral da Barreira. Están agardando a visita de Ricardiño, o neno que ven ás veces xogar con elas. Pero temen que ese dia chova, pois cando isto pasa Ricardiño tolea e perségueas ate pechalas no curral. Coa axuda do Galo Chafarís e o raposo Rosende, tentarán que o neno, deixe de tolear coa choiva e sega a xogar con elas… Adaptación do conto de Ricardo Carvalho Calero As pitas baixo a choiva. Baseado en historias de Xentes da Barreira, O lar de Clara, O país de Erika, Amores Serodios. Teatro Ghazafelhos presenta esta divertida adaptación teatral para o público infantil e familiar.
https://urdime.gal/project/as-pitas-baixo-a-choiva/

2.- Centro Cultural Lustres Rivas
“O gaiteiro arrepiado”, contacontos de Charo Pita
Data: 31/10/2020, sábado
Hora: 12.00 h
Lugar: Salón de actos do Centro Cultural Lustres Rivas
É IMPRESCINDIBLE A INSCRICIÓN PREVIA. Para facer a reserva
envíe, por favor, un correo cos seus datos (nome e apelidos, teléfono
de contacto e número de nenos e adultos conviventes que van asistir)
e recibirá a confirmación da súa reserva. SINOPSE
Historias para pasar un bo momento, aínda que con algo de medo… Monstros e fantasmas, mortos e aparecidos serán os protagonistas desta sesión de contos.
de tradición oral para que todos os públicos.

3.- En liña:
“A farsa da zocas” de Raquel Queizás
Esta breve peza teatral foi escrita por Ricardo Carvalho Calero a
partires dun conto tradicional recollido en San Sadurniño. O autor
homenaxeado este ano nas Letras galegas foi tamén mestre e
director de teatro. Representou esta farsa cómica co seu alumnado
do Colexio Fingoi de Lugo. 
Duración: 20 m
Idades recomendadas: alumnado de primaria.
Espectáculo teatral en liña para os centros de ensino de Ribeira. O
día 30 de outubro enviarase unha ligazón aos destinatarios para que
poidan proxectar nas aulas o contacontos de Raquel Queizás. Este
soporte en liña quedará ao dispor ata o día 6 de novembro, venres.
SINOPSE
Dona  Edelmira está moi maliña, ela é a señora da casa, con ela viven dous
truáns, o seu home e a irmá deste. O único interese destes pillabáns é quedar cos cartos da señora Edelmira cando morra. Conseguirano? A que prezo?

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...