O IV Concurso Fotográfico de Micoloxía da Pobra repartirá 750 euros para gastar no comercio local

07 Outubro 2020

As Xornadas Micolóxicas chegan na súa cuarta edición á Pobra do Caramiñal cunha programación que inclúe coloquios, obradoiros, saída ao campo e concurso fotográfico. As persoas interesadas en participar nesta última actividade deberanse inscribir obrigatoriamente, cun prazo establecido dende hoxe e ata o día 16 de outubro ás 12.00 horas.
Para se anotar é preciso enviar un correo electrónico a  medioambiente@apobra.gal  coa seguinte información: nome, apelidos e
teléfono de contacto. Unha vez recibidos eses datos, o Servizo do Medio
Ambiente do Concello remitirá a cada persoa a tarxeta de participación no IV Concurso Fotográfico de Micoloxía.
O prazo para o envío de imaxes finaliza no 6 de novembro, ás 11.59 horas.
Admítense só dúas fotografías por persoa participante e unicamente poderá ser premiada unha delas. En caso de se entregar máis, quedarán excluídas tódalas imaxes presentadas. Ademais, deberán ser orixinais e inéditas,
responsabilizándose as persoas participantes de se-las únicas autoras delas.
Cada concursante deberá imprimi-la tarxeta de participación recibida por correo electrónico e, por cada imaxe para o concurso, débense realizar dúas
fotografías: unha onde se vexa a tarxeta e outra onde non, totalmente anónima, – sendo esta última a que se remita ao xurado-. É preciso enviar ambas.
As imaxes entregaranse en soporte dixital no enderezo electrónico medioambiente@apobra.gal, indicando como asunto Concurso
Fotográfico de Micoloxía 2020.
O xurado emitirá o seu ditame no 13 de novembro e as persoas gañadoras serán nomeadas por unha resolución da Alcaldía, que será publicada no Facebook do Medio Ambiente da Pobra do Caramiñal e na páxina web municipal, ademais de avisar polo correo electrónico ou teléfono.
Os premios consistirán en bonos de compra no comercio local e
establecementos de restauración do municipio (un total de 750 euros).
Considéranse tres galardóns con diferentes contías.

As bases completas están dispoñibles na páxina web www.apobra.gal e a
resolución de dúbidas efectuarase mediante  medioambiente@apobra.gal

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...