Os traballadores da empresa Nemesio Ordóñez iniciaron nesta recta final de outubro os traballos de construción do saneamento da aldea de Foxacos, na parroquia de Araño. Durante tres meses e cun importe final de 135.000 euros levaran a cabo os traballos precisos para dar servizo e conectar á rede á totalidade de vivendas do devandito núcleo de poboación.
Segundo lembra o Concello de Rianxo, actuación inclúe depuración autónoma e a posta en marcha de dous depósitos que evitan o uso de bombeos ou electricidade. Os fondos dependen do Plan Único da Deputación e Concello de Rianxo.