O Concello de Boiro recolle as propostas e e suxestións do empresariado sobre o novo Parque Empresarial

20 Outubro 2020

O alcalde de Boiro, José Ramón Romero, o concelleiro de Urbanismo e Obras, Luís Ruiz, e o concelleiro de Comercio e Industria, Marcos Fajardo, reuníronse na mañá deste martes 20 con representantes do empresariado boirense para tratar a cuestión do novo Parque Empresarial proxectado no municipio, do que falamos os días pasados nos seus detalles dende O Barbanza. O obxectivo desta xuntanza foi explicar os pormenores técnicos e recoller tamén as valoracións e suxestións do tecido produtivo á hora de dar os primeiros pasos para levar a cabo a iniciativa.

Como sinalamos dende este medio, o novo complexo industrial está proxectado na zona de Vista Alegre, a carón da saída da autovía en Boiro. O espazo consta de máis 340.000 metros cadrados con espazo produtivo, zonas verdes e outros equipamentos cos que se solucionaría, en palabras do Concello, “o actual problema de dispoñibilidade de solo industrial que hai no municipio, xa que a Administración local xa non dispón de superficie para materializar o medre e creación de empresas”.

O alcalde e os concelleiros explicaron ás persoas representantes do empresariado boirense as características do proxecto, a localización “nun espazo estratéxico por estar a carón da saída da autovía” e por ser a mais conveniente do municipio “tanto por contar cunha boa comunicación por estrada sen implicar un gran investimento, como pola súa orografía” fixeron saber, aproveitando a xuntanza tamén para tomar nota das súas valoracións en canto ao espazo e a iniciativa en si para comezar a traballar en todo o necesario para levalo a cabo.

Outros artigos

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...