O Concello de Boiro convoca as bolsas para estudantes para o curso 2020/2021

29 Outubro 2020

O Concello de Boiro convocou as bolsas a estudantes 2020 para o alumnado residente no municipio que curse estudos técnicos, medios ou superiores e que non poidan ser cursados localmente. O Goberno local engadiu que a presentación de solicitudes debe facerse a través do Rexistro Xeral do Concello de Boiro nun prazo de 15 días hábiles despois da publicación das bases no BOP. Destínanse para este fin 5.000 euros en axudas directas para gastos de transporte, alugueiro, manutención…

As persoas participantes deben estar empadroadas en Boiro, ter un máximo de 27 anos e non ter repetido o curso anterior.

O Concello puntualiza que a concesión das bolsas realizarase mediante un réxime de concorrencia competitiva de acordo coa delegación de atribucións recollidas nas bases, entre as que se puntúa a situación familiar, a situación de emprego ou desemprego e o lugar de residencia ou medio de transporte empregado. Unha vez realizados os baremos, as bolsas distribuiranse en tres contías: básica (100 euros), intermedia (150 euros) ou máxima (200 euros).

As solicitudes deben presentarse entregando o formulario, que se pode descargar da web municipal, www.boiro.gal, e toda a documentación no Rexistro Xeral do Concello, nun prazo de 15 días hábiles a partir da publicación das bases no Boletín Oficial da Provincia. Toda a información sobre a convocatoria está a disposición das persoas interesadas na web municipal (www.boiro.gal) ou na Oficina Municipal de Información a Xuventude (OMIX) de Boiro.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...