A Consellería de Infraestruturas ten previsto investir na construción dunha glorieta en Xuño mais de 300.000 euros, incluídas as expropiacións necesarias para acometer os traballos. A obra conta cun prazo de execución de tres meses.
A glorieta terá un diámetro de 28 metros e o que se pretende é unha ruptura no comportamento dos condutores entre a zona urbana e a interurbana e que, deste xeito, moderen a velocidade. O proxecto prevé que se manteñan as prazas de estacionamento existentes na zona, pero serán readaptados ao novo trazado da rotonda. Así mesmo, dado que o tramo da AC-550 no que se actuará discorre por unha travesía, e para favorecer a permeabilidade do tránsito peonil, implantarase un paso de peóns a unha distancia de 35 metros da glorieta, en dirección a Ribeira.
