A Consellería de Sanidade notificou este serán un total de 11 falecementos como consecuencia do Covid-19, que elevan ata 847 o número de vítimas mortais desde o inicio da pandemia.
Máis da metade destas 11 mortes rexistráronse entre usuarios da residencia Os Gozos de Pereiro de Aguiar. Trátase de cinco mulleres de 99, 92, 90, 87 e 82 anos de idade, así como dun home de 89 anos.
A eles súmanse o falecemento dunha muller de 87 anos ingresada no Complexo Hospitalario da Coruña, unha muller de 85 hospitalizada no Complexo Hospitalario de Ferrol e outra, de 88 anos de idade, que permanecía no Clínico de Santiago.