Oito falecidos, entre eles tres usuarias de residencias, elevan a 910 as vítimas mortais en Galicia. Na área sanitaria Santiago-Barbanza faleceu onte unha muller de 86 anos no Chus. Fora diagnosticada de infección por Coronavirus e tiña patoloxías previas. O número de falecidos chega a 140 na área sanitaria. Lembrar que ata o martes está Decretado o peche perimetral de Santiago, Ames e Teo e as capitais galegas.
Aumenta tamén a incidencia nas áreas sanitarias da Coruña, Lugo e Ourense, mentres baixa nas de Santiago, Ferrol e Pontevedra
Os contaxios de COVID-19 detectados nas últimas 24 horas en Galicia volveron a alcanzar un novo récord histórico, con 755.
Segundo informa Sanidade baixaron a incidencia diaria do coronavirus as áreas de Santiago-Barbanza, con 84 novos contagios (-31), Ferrol, con 64 (-35), e Pontevedra-O Salnés, con 53 (-23), que ademais son as menos afectadas de acordo cos datos deste sábado.
De todas as áreas sanitarias, a de Vigo disparouse a 215, tamén a cifra máis alta de toda a pandemia, con 30 máis que o día anterior.
En canto ós concellos Muros presenta o maior número de casos e está en nivel 1 (máis de 21 casos nos últimos sete días), Boiro, Noia, Ribeira, Rianxo e O Son están en nivel 1 con entre 7 e 14 casos. Outes, Lousame e A Pobra, están en nivel 0 con menos de 7 casos
