O próximo mes de decembro podería ser DESAFIUZADA unha familia de Ribeira, por falta de pagamentos de aluguer, nun procedemento que se segue no Xulgado número 1 de Riveira.
Desde a oficina da Valedora do Pobo instouse ao Concello de Ribeira un informe sobre as actuacións practicadas polos servizos sociais municipais ao obxecto de mitigar a problemática da vivenda que afecta á familia en concreto. Esta familia ten concertado un contrato de aluguer cunha empresa que é considerada como un “gran tenedor”, ao ter moito máis de dez vivendas en propiedade e a maioría en réxime de aluguer.
Desde a Plataforma “Stop Desafiuzamentos” do Barbanza consideran que están en situación de emerxencia sanitaria polo Covid 19 e os desafiuzamentos atópanse limitados e ademais hai que ter en conta que ao ser o propietario, un gran “tenedor”, deberase manter á familia na vivenda habitual, mentres dure a emerxencia sanitaria ou ben que a propia Xunta de Galicia garanta unha ALTERNATIVA HABITACIONAL efectiva.
Por outra banda desde a Plataforma “Stop Desafiuzamentos” Barbanza, unha vez máis, queren agradecer a colaboración da empresa conserveira de “IGNACIO GONZALEZ MONTES” pola doazón dunha importante cantidade de caixas de latas de atún para a entrega entre decenas de familias da Comarca do Barbanza.
