En Ribeira detida unha parella por acoitelamento

Axentes da Policía Nacional adscritos á comisaría de Ribeira procederon á detención de dous individuos, un varon e unha muller, ambos veciños de Ribeira , pola súa presunta participación nun delito de homicidio en grao de tentativa ocorrido durante a madrugada do pasado domingo nesta localidade.

Concretamente, os feitos, dos que informamos e O Barbanza, tiveron lugar  cando , sobre as 04.00 hs, tres individuos compareceron no domicilio da vítima, sito na rúa Romero Ortiz, procedendo un deles a propinarlle unha malleira para, posteriormente, asestarlle varias coitelada nas costas e diversas partes do seu corpo.

Tras practicar unha investigación sobre os feitos citados e, lograrse a identificación dos autores, estableceuse un dispositivo policial tendente  á súa localización , o cal deu como froito a detención dos citados. Aos detidos, que pasaron o día da data a disposición xudicial, cónstanlles antecedentes policiais. Ao home numerosos antecedentes por roubos con forza e por roubos con violencia e intimidación e a ela un antecedente por malos tratos no ámbito familiar. Continúase a investigación a fin de lograr o total esclarecemento dos feitos.