Catro persoas parece que participaron nunha liorta acontecida de madrugada nun edificio da rúa Romero Ortiz 21 de Ribeira, unha delas resultou ferida con mazaduras e tivo que ser trasladada en ambulancia ao hospital barbancés, se ben foi dado de alta posteriormente.
A Policía Nacional cree que tres persoas acudiron ao lugar co propósito de pegarlle a unha cuarta, que reside na zona. O suceso podería estar relacionado co tráfico de estupefacientes e non se descarta que se trate dun axuste de contas. A Policía Nacional busca agora aos presuntos agresores. Co fin de solicitar probas, axentes da científica precintaron o edificio para unha inspección exhaustiva.
