A autovía do Barbanza rexistrou esta pasada noite un accidente de tráfico a altura da parroquia de Taragoña, cando un turismo que circulaba en dirección a Ribeira saíuse da vía na entrada do viaduto que atravesa a enseada de Beluso.
A condutora do vehículo resultou ferida e o turismo no que viaxaba saíuse da estrada e impactou co gardarraíl do vial.
Bombeiros de Boiro, a Policía Local e Protección Civil de Rianxo desprazáronse ao lugar dos feitos despois de recibir o aviso do 112 ao redor das 21.15 horas. A condutora sufriu lesións que, en principio, non revestían gravidade se ben foi trasladada nunha ambulancia do 061 ao hospital comarcal.
