Quen queira participar na andaina solidaria da empresa CONGALSA, convocada este ano (por quinta vez) pola firma da Pobra cunha marcada pola viraxe ao dixital, pode facelo até o 31 de outubro. A nova edición da andaina solidaria de CONGALSA busca recadar fondos para botar unha man, a través de ONG locais, ás familias máis necesitadas do Barbanza (especialmente ás máis afectadas pola pandemia). Segundo informou a empresa, se ben estaba previsto inicialmente que a andaina rematase o 15 de outubro, decidiuse estender a iniciativa até o 31 de outubro “debido ao gran volume de participantes”. De feito, a finais da semana pasada xa había 250 persoas inscritas.
Quinta edición
Como dixemos, trátase da quinta edición desta iniciativa benéfica que busca recadar fondos para destinar, a través de ONG locais, ás familias máis necesitadas do Barbanza (especialmente ás máis afectadas pola pandemia).
Os interesados en participar deben inscribirse a través do sitio web https://inscripciones.galitiming.com/. Nas catro edicións anteriores, a cota de inscrición era 1 quilogramos de alimentos, pero nesta convocatoria para poder cumprir cos protocolos COVID, fixouse unha cota solidaria de tres euros.
Respecto das andainas a realizar, pódense facer dende onde queiramos (é unha experiencia virtual) e co destino que desexemos, e tamén podemos elixir con quen facela.