Comeza un novo curso de cociña en Porto do Son

Dende este luns até o 9 de outubro (en horario de 16.30 a 20.30 horas) celébrase en Porto do Son, no Viveiro de Empresas, un curso gratuíto de cociña que pon o foco nun ámbito concreto da actividade hostaleira: a especialidade en tapas e pinchos.

Trátase dunha contribución formativa de 20 horas enmarcada nas accións que se están a desenvolver dende o Concello para potenciar o sector, dando así continuidade a outros cursos xa celebrados este ano, como o de manipulación de alimentos (10h) e o de alerxias e intolerancias alimentarias (30h). 👌🙂