O departamento de Medio Ambiente do Concello de Boiro, mediante a
Sociedade Española de Ornitoloxía (SEO BirdLife), promove nos centros de
ensino do municipio charlas para a concienciación da conservación da Píllara das dunas no noso territorio. Esta mañá o alumnado dos CEIP Santa Baia e CEIP Abanqueiro familiarizáronse con esta ave.
SEO BirdLife desenvolve o “Proxecto Conservación da Pillara das Dunas
(Charadrius alexandrinus) nas praias da península do Barbanza. A Coruña”,
gracias ao financiamento da Deputación Provincial da Coruña. A maior parte da poboación galega de píllara atópase na comarca do Barbanza, sendo unha das mais importantes para a conservación desta especie en Galicia.
Co obxectivo de reforzar os labores de divulgación e educación ambiental, a asociación e o departamento de Medio Ambiente municipal, organizan charlas de concienciación para o alumnado de sexto curso dos centros de ensino do municipio. Este ano foi o alumnado do CEIP Santa Baia e CEIP Abanqueiro o que participou esta mañá nas xornadas para coñecer as
características desta ave, a súa bioloxía e ameazas, así como as actuacións
que se están aplicando para a súa conservación e coñecer de que maneira
todos podemos colaborar.
A Xunta declara a situación de seca prolongada en toda a demarcación de Galicia-Costa pola falta continuada de choivas. Barbanza, Muros-Noia, Arousa e Santiago entre elas
A medida non supón restricións automáticas no consumo, que continúan supeditadas aos niveis de escaseza de cada concello. Un total de 123 municipios contan con afectacións parciais ou totais: 32 permanecen en alerta e 91 en prealerta, mentres a conca do río Grande sae...
