O Concello de Boiro vén de decidir que o parque da Cachada permanecerá pechado durante as noites da fin de semana para evitar que se empregue como lugar de encontro. As instalacións permanecerán pechadas na fin de semana, de venres a domingo, entre as 23.00 e as 7.30 horas.
Tendo en conta o aumento das restricións por parte das autoridades sanitarias para a prevención da Covid-19, como son a limitación de reunións cun número máximo de 5 persoas, o Concello de Boiro vai intensificar o control da poboación e a vixilancia para garantir que se cumpran as medidas específicas de prevención.
Ademais das restricións para actividades culturais e deportivas, en interior e exterior, e as capacidades máximas de instalacións municipais, o Concello de Boiro vén de aplicar máis restricións co peche do parque da Cachada.
