Malia que estaba previsto para este sábado 31 o segundo día de competición da Regata Alca 200 de Cruceiros ORC (organizada polo Club Náutico Arousa Norte da Pobra do Caramiñal) e malia que todo indicaba que se ían ter unhas condicións axeitadas para navegar (con vento suroeste de 15-20 nós), os responsábeis da cita náutica, debido “ás recentes medidas sanitarias impostas polas autoridades competentes”, decidiron aprazar a proba deportiva deste sábado.
A nova data será determinada en canto a situación sanitaria da comarca así o permita. A seguinte proba estaba programada para o 21 de novembro.
