A Policía Local de Boiro vai participar, entre o 30 de outubro e o día 13 de novembro, nunha campaña de control de velocidade de vehículos da Dirección Xeral de Tráfico. Esta iniciativa ten, en palabras do Concello, a “finalidade de fomentar a seguridade viaria no municipio, sobre todo naqueles puntos detectados polos axentes como máis conflitivos polo exceso de velocidade”.
A furgoneta da DX equipada con cinemómetro vai estar a disposición da Policía Local de Boiro para facer controis entre este venres 30 de outubro e o día 13 de novembro como unha das medidas que os axentes levan a cabo en materia de mobilidade para previr accidentes e outras incidencias provocadas por exceso de velocidade.
O Concello engade que o control “vaise centrar en estradas periféricas do municipio, ao ser os puntos máis conflitivos e nos que mais se infrinxen os límites de velocidade, pero tamén nos núcleos urbanos onde hai máis afluencia de peóns para previr as incidencias por exceso de velocidade”.
