O Concello de Porto do Son pon en marcha este 8 de outubro o servizo da Ludoteca Municipal para este curso 2020-2021, que ten neste intre aberto o prazo para que as familias realicen as súas inscricións. O Goberno local explica que este ano o servizo con menos prazas e con grupos reducidos (un grupo cada día) como medida de seguridade contra a COVID-19.
Establecerase un grupo para pequenas e pequenos de 6 a 12 anos, os luns, os martes e mércores, e outro para nenas e nenos de entre 3 e 5 anos, os xoves e venres. O horario será de 16.30 a 19.30 horas. As inscricións xa se poden facer a partir deste luns 5 de outubro, a través da web do Concello, onde se ofrece a ficha para encher con datos persoais e información detallada, en documentos PDF, sobre o servizo.
