A Ludoteca Agarimo de Rianxo vai acoller os vindeiros días unha charla de interese para nais, pais e profesionais da educación, centrada en achegar recursos, metodoloxías e pautas a aplicar para termos máis calidade de vida psicolóxica no ámbito familiar. A sesión, que será de balde, celebrarase o día 29 de outubro a partir das 17.30 horas e ao seu abeiro tocaranse temas afectivo-emocionais, recursos para a xestión de conflitos e a comunicación, e consellos para lograr o equilibro emocional no ámbito do fogar.
A charla será impartida pola psicóloga e sexóloga Olga Núñez Blanco, experta en naturopatía e instrutora de ioga integral. A cita abéirase ao ciclo Escola para Ma-Pa-Dres e Coidadores. As inscricións poden facerse até o día 27 deste mes, a través do teléfono 687 332 809 ou ben enviando un correo electrónico a ludotecaagarimo@gmail.com.
