A Deputación aproba a ampliación da ponte sobre o rego Pesqueira, en Lousame

30 Outubro 2020

O pleno da Deputación da Coruña aprobou este venres 30 os proxectos de remate das obras de ampliación e mellora da estrada DP 5815 de Mera a Veigue, en Oleiros, e da nova ponte sobre o rego Pesqueira na DP 4202 de Aldea Grande ao Couto, en Lousame. A entidade provincial lembra que ambas quedaron paralizadas a principios deste ano debido á quebra da empresa construtora que tiña adxudicadas as dúas obras, polo que o departamento provincial de Vías e Obras procedeu á resolución do contrato e redactou os proxectos técnicos para continuar e rematar os traballos, que agora veñen de ser referendados polo pleno como paso previo a unha nova licitación.

No caso de Lousame, o pleno aprobou o proxecto para rematar as obras de construción dunha nova ponte no punto quilométrico 1+800 da DP 4202, que mellorará a conexión entre Aldea Grande e O Couto (Lousame). O investimento ascende a 181.811,87 euros.

“Os traballos permitirán ampliar a plataforma da ponte sobre o rego Pesqueira de 5 a 12 metros e ofrecer un itinerario peonil seguro para os veciños”, informou a Deputación, que lembra que as “reducidas dimensións da ponte que atravesaba o rego obrigaban aos viandantes a circular polas beiravías sen pavimentar ou polo borde da calzada, o cal pon en risco a súa seguridade”. Para remedialo, a nova construción “contará con beirarrúas de 2,25 metros de ancho en cada marxe, recubertas con baldosa hidráulica, permitindo así cruzar a pé sen risco”, explicou a Deputación, que recorda que a nova plataforma vai permitir a execución de dous carrís de 3,5 metros para a circulación de vehículos. As obras financiadas pola Deputación incluirán o acondicionamento da estrada DP-4202, para ampliar gradualmente o ancho da calzada ata alcanzar os 12 metros nas inmediacións da nova ponte. Esta será unha unha estrutura dun único van, respectando a tipoloxía do viaduto actual.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...