Zeitum Films buscará en Rianxo actores, actrices e figurantes para unha nova curta

O concello de Rianxo vai acoller un casting para unha curtametraxe da produtora Zeitum Films, firma coruñesa que ten no seu haber algúns dos filmes galegos recentes máis prestixiosos e recoñecidos internacionalmente, como Todos vós sodes capitáns ou Mimosas, de Oliver Laxe, ou Costa da Morte, de Lois Patiño.

O casting rianxeiro, dirixido a atopar novos actores (de entre 30 e 70 anos), actrices (de entre 30 e 65 anos), realizarase entre os días 29 e 30 de setembro no Auditorio de Rianxo. Tamén se buscan bebés de menos dun ano (de entre 3 e 12 meses). A produtora informa de que non será precisa experiencia previa na interpretación. Pódese facer a inscrición (antes do 28) a través da conta de correo castingrompente@gmail.com ou enviando un Whatsapp ao número 644 908 607, indicando datos de contacto e xuntando unha foto recente.