A Universidade Nacional de Educación a Distancia, a UNED, prosegue neste inicio do novo curso coa súa actividade formativa para as e os maiores de Rianxo, a través da súa iniciativa UNED Senior. Para este primeiro cuadrimestre do curso, haberá tres cursos sobre música (dous deles) e, tamén un ámbito cada vez máis demandado e con maior presenza nas nosas vidas: as tecnoloxías da información.
Segundo confirmou o Concello, xa está aberto o prazo de inscrición para esta achega formativa da UNED, un proxecto educativo destinado a persoas maiores de 50 anos.
As materias que se van impartir son as seguintes:
· Canto tradicional e canto coral.
· Iniciación aos teléfonos móbiles e tabletas intelixentes. Nivel Básico.
· Práctica instrumental: gaita e percusión. Nivel intermedio.
As prazas son limitadas, por orde de inscrición, e o prazo remata o 30 de setembro.