A programación organizada pola Concellería de Cultura vai traer a Ribeira esta fin de semana dous espectáculos teatrais que, se o tempo o permite, se
celebrarán ao aire libre.
Trátase en primeiro lugar do espectáculo familiar “Cartoóns” que terá lugar este sábado ás 19 horas na praza do Concello (ou se chove, na carpa de usos múltiples fronte ao mercado) e que estará protagonizado polos coñecidos actores Víctor Mosquera e Josito Porto, integrantes de Excéntricas e Teatro do Adro. O evento forma parte da programación de Cultura do Camiño.
En segundo lugar, e cadrando coas celebracións pola festividade de Santa Tecla, o porto de Corrubedo dará cabida ao espectáculo “O Camiño de Santiago” de Educateatro para poñer en valor esta ruta infantil e familiar. Será ás 18 horas e está adscrito ao Fondo Xacobeo 2021.
Ambas actividades desenvolveranse en recinto acoutado que se cubrirá por orde de chegada. A mascarilla é obrigatoria.
