Récord de positivos da COVID-19 en Galicia. Cinco novos mortos elevan a 672 os falecidos

Hoxe hai 134 casos activos máis. Onte faleceron cinco persoas e déronse 193 altas e onte houbo 332 positivos. É o maior salto da COVID-19 en Galicia desde que empezaron os rebrotes. O maior número de positivos rexistrouse na Residencia DomusVi Lugo de Outeiro de Rei) con 99 casos.

Na área sanitaria Santiago- Barbanza hai 658 casos activos, un menos que onte. Os hospitalizados suben a 19, catro máis que onte, con dous en unidades de críticos, todos no CHUS. Hai 2.276 pacienets curados e realiaronse 58.399 PCR

En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.358 deles 1.407 son da área da Coruña, 894 da de Lugo, 473 da de Ourense, 402 da de Pontevedra, 348 da área de Vigo, 658 da de Santiago, e 176 da de Ferrol.Do total de pacientes positivos, 25 están en UCI, 184 en unidades de hospitalización e 4.149 no domicilio. Polo de agora, en Galicia hai un total de 14.434 persoas curadas, rexistrándose 672 falecementos. A última persoa falecida foi unha muller de 78 anos que estaba ingresada no Hospital Álvaro Cunqueiro e presentaba patoloxías previas. O número de PCR realizadas é de 380.003.