Este venres 4 de setembro o alumnado do obradoiro de cociña O Pote realizar unha visita á Lonxa de Ribeira. Trátase da segunda visita do taller a esta rula, pois o pasado 28 de xullo os seus participantes realizaron unha primeira na que coñeceron o funcionamento dunha poxa automática. Desta vez, a súa estadía na lonxa focalizarase en observar a descarga e poxa polo peixe dos barcos do cerco que están faenando nestas augas á captura do bocarte.
Así mesmo, aproveitarán para coñecer os viveiros de Pescados Paco e coñecer o proxecto Da lonxa o prato que se quere pór en marcha na Pobra. A visita do obradoiro O Pote desenvolverase entre as 7.30 e as 10 horas da mañá, aproximadamente. O inicio da poxa está programada para as 8 horas.
