Os campamentos de verán da Xunta en Porto do Son e Boiro rematan tras catro quendas de actividades

04 Setembro 2020

A directora xeral de Xuventude, Participación e Voluntariado, Cristina Pichel, estivo esta mañá cos participantes nos campamentos xuvenís que se están a celebrar en Porto do Son e en Boiro. Estas dúas actividades, que chegan hoxe ao seu fin, forman parte da Campaña de Verán da Xunta de Galicia que afronta estes días a súa recta final.

Campamentos de verán da Xunta en Boiro

As rapazas e rapaces que se dan cita na última quenda destes dous campamentos están a desfrutar de xornadas de convivencia que xiran en torno a actividades de aventura moi vencelladas á natureza. Así, no campamento Virxe de Loreto (Porto do Son) participan mozas e mozos de 14 a 17 anos que aproveitan á proximidade á praia para realizar, principalmente, deportes náuticos.

Pola súa banda, o campamento xuvenil Espiñeiras (Boiro), ademais das actividades de aventura, céntrase na temática teatral. Trátase de facilitar á xente nova un primeiro achegamento a esta disciplina artística dunha maneira lúdica e formativa.

En total, esta Campaña de Verán, que leva por título O verán que necesitas, pon á disposición da mocidade 6872 prazas en diferentes actividades e campamentos, que se prolongarán ata comezos do mes de setembro. Todas as actividades desta campaña seguen as medidas de prevención fronte ao covid-19 fixadas polas autoridades sanitarias co fin de garantir a seguridade de todas as persoas participantes.

Así mesmo, a Consellería de Política Social oferta neste verán 348 prazas nun total de 29 campos de voluntariado (incluíndo as tres quendas de Cíes) para maiores de 18 anos por todo o territorio galego.

Campamentos de verán da Xunta

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...