Os Bolechas estarán o 27 en Ribeira e os monicreques de Cascanueces o 26 en Artes

21 Setembro 2020

Este domingo 27 de setembro a familia de Os Bolechas fai unha parada en Ribeira para presentar, ás 18.00 horas no Auditorio Municipal, o seu espectáculo Os Bolechas e a Porta dos Camiños, dirixido a nenos e nenas de catro a oito anos e que forma parte do programa de dinamización lingüística Falaredes (impulsado pola Secretaría Xeral de Política Lingüística).

Nesta nova aventura, Carlos, Loli, Pili, Braulio, Sonia e Tatá botaranlle unha man ao programador informático Haker Mater para poñer a punto a Porta dos Camiños, unha máquina que lles axuda a elixir un dos moitos itinerarios xacobeos ás persoas que queren peregrinar e non saben por que vía facelo. Para conseguiren que funcione a máquina, os cinco irmáns, acompañados do seu can Chispa, necesitarán a axuda do público, que se divertirá e aprenderá mentres participa neste reto.

Aínda que a asistencia é gratuíta, o Concello lembra que é imprescindíbel reservar entrada enviando un correo electrónico co nome e apelidos, teléfono e calidade de conviventes a normalizacion@ribeira.gal (recibirase un correo de confirmación co número das súas butacas).

Monicreques en Artes

Ademais, o sábado 26 de setembro ás 18 horas no Centro Recreativo de Artes haberá un espectáculo de monicreques da compañía Títeres Cascanueces baixo o título Unha armadura con ferruxe. A obra xira arredor dun cabaleiro que quedou preso na súa armadura, e a súa familia, por mor deste feito, non sabe cal é o seu verdadeiro aspecto. A súa esposa e o seu fillo loitarán desesperadamente por liberalo.

Esta iniciativa forma parte da programación da Fiestra da Cultura de Ribeira e conta co patrocinio de Cultura no Camiño (AGADIC-Xunta de Galicia). O aforo é limitado e irase cubrindo por orde de chegada.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...