O Goberno confirma que as novas instalacións da Policía Nacional de Ribeira estarán listas a mediados do ano vindeiro

23 Setembro 2020

A subdelegada do Goberno na Coruña, Pilar López-Rioboo, visitou este 22 de setembro as que serán as novas instalacións da Policía Nacional en Ribeira, un proxecto que conta cun orzamento de 2.592.519 euros para a súa habilitación e posta en marcha e que, segundo lembrou, ten un prazo de execución de dezaoito meses.

A subdelegada supervisou as obras na compaña do alcalde, Manuel Ruíz Rivas, do xefe superior de Policía de Galicia, José Luis Balseiro, director de produción da Sociedade de Infraestruturas e Equipamentos Penais e da Seguridade do Estado (SIEPSE), Juan José Torrejón, quen confirmou que as obras rematarán a mediados do vindeiro ano. Tamén dixo que “unha vez executada a obra”, procederase a dotar de equipamento e mobiliario as novas instalacións antes da súa apertura.

Segundo detallaron, na parcela onde se están a construír as novas dependencias locais da Policía Nacional (unha superficie total de 2.074 metros cadrados), habilitarase un edificio con soto e catro andares (soto, andar baixo, primeiro e segundo), incluíndo galería de tiro (no soto) e todos os servizos necesarios para o desenvolvemento da actividade policial, ao que cómpre engadir unha oficina da Unidade de Atención á Familia e Muller (UFAM). A vertente administrativa estará situada nos tres andares superiores. Nas plantas baixa e primeira habilitaranse os espazos de atención ao público, ademais dos despachos e salas correspondentes ao uso administrativo. Na parte traseira disporase un aparcadoiro con 16 prazas, unha delas para persoas de mobilidade reducida.

Outros artigos

Iniciada a reparación da rampla do peirao de Aguiño

A empresa Audeca comezou os traballos de reparación da danada rampla do peirao de Aguiño, en Ribeira, unha obra longamente esperada pola confraría local e que requiriu máis dun ano de tramitación. O custo da actuación ascende a uns 40.000 euros. A obra divídese en...

+

Ribeira presenta o programa de conciliación para o verán 2024

Concello O segundo tenente de alcalde Vicente Mariño e a concelleira Tania Redondo presentaron hoxe o programa de conciliación Días Sen Cole de cara ao verán deste ano 2024.A área de Servizos Sociais Comunitarios impulsa os campamentos de conciliación durante as...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...