A retirada do palangreiro “Eros Dous” do porto de Ribeira cumpríuse hoxe e á primeira hora desta tarde abandonaba a dársena a embarcación que acumulaba anos de abandona, tempo no que sufriu desde actos vandálicos a ocupacions e dous incendios. A longa e complexa tramitación para retirar a desvencixada embarcación permite levala ao despezam rematando as peticións dos usuarios da rada.
O palangreiro sufriu distintas incidencias e foi ocupado e incluso sufríu un incendio. Era un dos barcos de pesca ilegal máis buscados do mundo. A Comisión Europea prohibiu en novembro de 2008 a entrada a este barco, abanderado en Panamá, en calquera porto comunitario, mentres a organización ecoloxista Oceana condenaba que as autoridades españolas non procedesen ao seu despezamento.
O Eros Dos, coñecido como o Furabolos , era un palangreiro que levaba abandonado anos e estaba fondeado na dársena ribeirense. O barco arribou a Santa Uxía no 2009 e, despois de anos sen actividade, no 2018 Portos declarouno en situación de abandono e iniciouse un proceso de poxa pública que concluíu coa súa venda.
Dous anos tardouse ainda en realizarse o traslado debido ós trámites administrativos. O “Eros Dous” abandonou estar tarde e o porto e tentarase agora reflotar e levar ao despezamento ao L’ Etel, o seu veciño de amarre, afundido en augas da dársena a principios deste ano. A previsión de Portos é que o expediente para a súa retirada complétese no último trimestre deste 2020.