En Boiro un incendio obriga a atender a un mozo por fume

Bombeiros. cedida

Esta pasada madrugada un incendio nun inmoble do centro de Boiro despregou efectivos de emerxencias no que participaron bombeiros, Protección Civil, Policía Local, Garda Civil e 061.

O lume fixo que un mozo tivera que ser levado a un centro de saúde para ser atendido por inhalación de fume ao tratar de apagar o lume

O aviso do incendio o 112 realizouse pouco antes das catro da madrugada nun segundo piso dun edificio da rúa Breiro e informaba de que unha persoa estaba atrapada no interior da vivenda.

O residente no inmoble logrou saír antes da chegada dos bombeiros e tentaba controlar o lume que acabou queimando un sofá do salón, mentres que o resto da estancia viuse afectada pola densa fumareda provocada polo lume. Os equipos de extinción conseguiron extinguilo e procederon a ventilar o piso, mentres que o mozo foi trasladado ao centro de saúde por precaución para ser examinado.