O Concello de Boiro está a traballar para acondicionar un espazo no parque da Cachada para a práctica a petanca. A actuación é unha demanda feita por veciños e veciñas que practican esta modalidade, xa que non se dispón de ningún espazo no que practicar este deporte no municipio.
Os operarios municipais comezaron as tarefas de acondicionamento dun
espazo no parque da Cachada para habilitar unha pista de petanca, preto de
onde está situado o campo de bolos. O que se fixo foi aplanar un espazo para delimitar a pista de area coas medidas regulamentarias.
A idea é, pouco a pouco, dotar o espazo con zonas para a practica de
distintos xogos tradicionais moi demandados pola veciñanza. O obxectivo desta actuación e que a veciñanza da terceira idade dispoña dun sitio de
entretemento ao aire libre.
