Comezan en Ribeira as obras para dotar de máis beirarrúas o barrio das Abesadas

30 Setembro 2020

O Concello de Ribeira iniciou as obras destinadas á construción dun treito de novas beirarrúas no barrio de Abesadas, preto dos dous estacionamentos disuasorios gratuítos municipais alí enclavados. Ao abeiro desta iniciativa, os operarios da empresa Construcións Fermín Simal están a desenvolver unha intervención pola cal dotarase esta zona, lindeira coa rotonda da Poutada, de 60 metros lineais de beirarrúas de baldosa hidráulica. O Concello lembra que o emprazamento obxecto das obras tiña pavimento de terra.

A mesma actuación engloba outros dous traballos de mellora da seguridade viaria que se localizan na rúa Francisco Lorenzo Mariño, en Aguiño; e en Iñeiras na parroquia de Olveira.

O conxunto da actuación entraña un investimento de 43.408 euros, IVE incluído, financiados no marco do Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2018. O prazo de execución son dous meses.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...