Boiro acomete obras de renovación do pavimento en diferentes tramos do rural

22 Setembro 2020

O Concello de Boiro acaba de comezar a acometer as obras de
renovación do pavimento nos núcleos de Coviña, Souto Novo, Aruxo, Cotarón e contorna do Cemiterio Municipal. As obras, realizadas con cargo ao POS 2019 da Deputación da Coruña, constan dun orzamento total de 98.553 euros, e un prazo máximo de execución de dous meses.
O obxectivo desta obra é mellorar o firme en diferentes tramos do entorno rural. O pavimento existente presenta numerosas deficiencias con gastos excesivos para a súa conservación, polo que se precisa unha rehabilitación integral para conservar e mellorar as características funcionais de seguridade e comodidade e a protección do conxunto do firme. Tamén hai un tramo, que une a parte traseira do cemiterio co campo de Vistalegre, que é de terra, polo que existe a necesidade de construír un firme acorde ao seu uso.
Para a rehabilitación do firme analizáronse distintos factores, como son a
cantidade de tráfico e vehículos pesados que circulan polos diversos tramos de estrada. Todos estes pavimentos levan un 15% de árido reciclado procedente de demolicións, que favorece ao factor ecolóxico ao reducir o consumo de áridos de canteira.
As obras comezaron nos últimos días e xa se realizou o asfaltado no tramo de Coviña a Souto Novo. Neste momento estase traballando na limpeza de cunetas e acondicionamento dos tramos de estrada en Aruxo e Cotarón, para realizar o pavimentado, e tamén se está a traballar na pista que une o
cemiterio con Vistalegre, actualmente de terra, para asfaltala.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...