O Concello de Boiro participa no Programa Relevo 2020, que organiza o
GALP Ría de Arousa e que se vai desenvolver en Boiro ata o mes de
decembro. O programa ten como obxectivo formar a mozos e mozas para
traballar e emprender en actividades vinculadas co sector do mar. A primeira das sesións vai ter lugar en Boiro e comezará o vindeiro 28 de setembro.
Relevo 2020 é un proxecto que busca dar a coñecer aos xóvenes as posibilidades de futuro no sector marítimo, turismo mariñeiro, medioambiental, oceanográfico, gastronómico… e axudarlles na elaboración dun proxecto laboral futuro. Os obxectivos deste programa son facilitar a formación co sector marítimo e pesqueiro e social e a súa repercusión. Busca tamén apoiar a profesionalización do sector marítimo e pesqueiro, a través da creación de emprego e poñer en manifesto a importancia de preservar os recursos e zonas costeiras así como loitar contra o cambio climático.
Vai dirixido a mozos e mozas con idades comprendidas entre os 16 e os
30 anos. Non é necesario ter titulación relacionada, nin experiencia previa e
pode compaxinarse co ámbito educativo ou laboral. En Boiro vaise realizar
dende o 28 de setembro ata o mes de decembro, todos os luns en horario de
tarde. Aínda quedan algunhas prazas dispoñibles. Toda a información a través do enderezo electrónico omix@boiro.org
