O Concello da Pobra do Caramiñal está a desenvolver unha serie de actuacións de mantemento e arranxo na Torre de Bermúdez, sede do Museo Valle-Inclán, co fin de poñela a punto de cara á tempada de outono e inverno. En concreto os traballos actuais céntranse na rehabilitación e recuperación dos elementos de carpintaría.
O Goberno local informa de que a Torre de Bermúdez, Monumento Histórico-Artístico Nacional e Ben de Interese Cultural (BIC), precisaba de traballos de mantemento nos madeirames exteriores (portas e xanelas), así como no mobiliario funcional empregado para a atención ao público (consignas e móbeis de oficina). Os ditos traballos estenderanse ao longo desta mesma semana.
Por outra banda, tamén se efectuou a realización de peañas para esculturas que alberga o Museo.
