A lendaria banda de rock español M-Clan estará este mes de setembro en Boiro, na praza da Boqueira de A Negral, o día 19 e da man da Pousada da Galiza Imaxinaria e o Concello. O concerto, que forma parte do ciclo de actuacións impulsado polo local de Suso Santamaría e a Concellería de Cultura (do que tamén formou parte a cita con Mikel Erentxun, no mesmo emprazamento, onde o ex-Duncan Dhu congregou a 200 persoas), ten as entradas á venda na na tenda Baldani ou a través dunha ligazón específica na web Wegow.
O ciclo incluirá tamén unha cita musical con outro grande da música estatal: Coque Malla, o que foi líder da histórica banda Los Ronaldos. Será o 13 de setembro. A organización lembra que para esta cita aínda hai entradas dispoñíbeis.
